موضوع عن رحله منتخب العراقي في القطار السريع هسه يوصلنا لبرازيل موضوع شيق ادخل واستمتع مع قصه جميله + شعر رياضي مثير

السبت مايو 19, 2012 12:14 pm

ما بقى الا ايام قليلة ويبدي القطار السريع يمشي
وكلكم اتعرفون هذا القطار ل وين يوصل اكيد اتعرفون , طبعا للبرازيل
واحنه الو اجب علينا ان نساهم ونساعد الابطال
في صعود هذا القطار
حتى يوديهم ويه الراكبين أو إلي راح يركبون هذا القطار , ومثل ما يكَلون..
الكل يساهم بطريقته الخاصة
هذا إلي يرفع العلم على البيتونه
وذاك إلي يخلي صور اللاعبين على المحلات
وحتى التلفزيونات لازم اتشارك إيه نعم حتى التلفزيون والجرايد لازم تقابل الناس وتسألهم عن مشاعرهم واحتفالاتهم بالاسود مو
كَبل وبعد لا يروح للبرازيل
ووليداتنا حبايبنا الصغار همين لازم يشاركون بهاي الحملة ويغنون للاسود وللناس الفرحانه إلي راح تحتفل بالشوارع وهذول الصغار يكَولون هاي الاغنيه

هذاالقطار السريع هسه يوصلنا ويرد

&&&& تابع الى الاسفل v

قصه رياضيه حلوه

الله بالخير عليكم كلكم

احجيلكم اليوم سالفة مو قديمة كولش , سالفة بيها رباط

لموضوعنا اليوم

كان ياما كان بالمكسيك والزمن ٨٦ والكَاع ملعب

بيه لعبة الارجنتبن وألمانيا الغربية

يلعبون حتى واحد منهم ياخذ كاس المكسيك

وطبعا كل احنه ما ننسه المكسيك

لان منتخبنا شارك بيها لاول مره

المهم اللعبة كانت بين الارجنتين (ماردونا) والمانيا

(رومنيكَه) وهذا الاخير نزله المدرب بيكنباور

بالشوط الثاني والحكم وكَف الطوبه ,لويش !

ايه مو رومنيكَه يربد يلعب

و كَبل لا ينزل رومنيغه كَرب منه المدرب بيكنباور وشاوره

بحجايتين مو أكثر

ونزل ما أطول السالفه جانت الارجنتين تلعب ب ٢٢ لاعب

لأن بس مارادونا وحده كان فريق كامل

والمانيا

خطية لعبت ب ١١ لاعب وفازت الارجنتين ,

وره

اللعبة بأيام وبالتلفزيون سألوه للمدرب رومنيكَه عن شنو انت شاورت رومنيغه!

فتعرفون احبابي بشنو جاوبهم

كَلهم انا كَلت لرومنيكَه انه تاريخ المانيا بين ايديك

وهسه يمكن عرفتوا رباط سالفتنا تره احنه عدنه مو بس رومنيكَه واحد انخلي تاريخ العراق بأديه

احنه كل أسود الرافدين خلينا تاريخنا امانه بأديهم

مو ياجماعه...

^^^^^^^
v تابع الى السفل

شعر رياضي

*((انت مو بس لاعب انت ,انت في ساحة قتال

(لتنسة اعتبر نفسك بالحرب)

فوز وشوف العالم
عظمة هاي البلاد

(ترة العراق يجري بعروگنا),,,,,,))

*((فوز اليوم واعلگهة وساحة خصمك احرگهة (جبناهة ع الحرگ)راية بالهدف
دگها ( كلنا نشجع اسم العراق )....))

السبت مايو 19, 2012 5:51 pm

تقارير كروية رائعة يا اخ زهير عاشت ايدك

السبت مايو 19, 2012 11:41 pm

حياك الله يا ابو داني على هذا الكلام الرائع الذي طرحته للتشجيع الاسود.
فأن كل كلمة كتبتها هي نابعة من اعماق وصميم عراقي اصيل .
عاشت ايدك على الموضوع والمثل الذي ذكرته .
الرب يرعاك دوماً
تحياتي.

الأحد مايو 20, 2012 11:28 am

شكرا على المرور يا استاذنا العزيز ابو رافد

الأحد مايو 20, 2012 11:29 am

هذا واجبنا اتجاه اسود الرافدين كل القلوب معهم وشكرا على ردك الرائع يا اخويه العزيز سامي

موضوع عن رحله منتخب العراقي في القطار السريع هسه يوصلنا لبرازيل موضوع شيق ادخل واستمتع مع قصه جميله + شعر رياضي مثير

موضوع عن رحله منتخب العراقي في القطار السريع هسه يوصلنا لبرازيل موضوع شيق ادخل واستمتع مع قصه جميله + شعر رياضي مثير

رد: موضوع عن رحله منتخب العراقي في القطار السريع هسه يوصلنا لبرازيل موضوع شيق ادخل واستمتع مع قصه جميله + شعر رياضي مثير

رد: موضوع عن رحله منتخب العراقي في القطار السريع هسه يوصلنا لبرازيل موضوع شيق ادخل واستمتع مع قصه جميله + شعر رياضي مثير

رد: موضوع عن رحله منتخب العراقي في القطار السريع هسه يوصلنا لبرازيل موضوع شيق ادخل واستمتع مع قصه جميله + شعر رياضي مثير

رد: موضوع عن رحله منتخب العراقي في القطار السريع هسه يوصلنا لبرازيل موضوع شيق ادخل واستمتع مع قصه جميله + شعر رياضي مثير