الرئيسية
بيدارو نت
أحدث الصور
التسجيل
دخول
شلش العراقي .. وكذبة نيسان
3 مشترك
ادم ريحان كوركيسعضو شرف دائم
شلش العراقي .. وكذبة نيسان
الخميس أبريل 12, 2012 9:47 am
كذبة نيسان .. شلش العراقي
شلون واحد يكدر يألف كذبة نيسان بالعراق , صارلي كم يوم محتار , منين أجيب كذبة قوية ,,, منين يا ربي , المشكلة إحنا شعب ما متعودين على الكذب , لان حرام , وإحنا شعب يصدك المسلسلات التركية والمكسيكية , ويعتقد نهاية الأفلام الهندية نهاية طبيعية وتنزل دموعنا عليها , والله خطية اميتاب عمت عيني عليه , للموت وماعاف حبيبته, شعب نصدك بكل شي , اذا واحد كَال اني سيد نبوس أيده ونحطها على راسنة , وإذا واحد كَال آني رجل دين نشيل قندرته ونحطه كدامه , وإذا واحد كًال إحنا أكثر بلد بالمنطقة استقرارا من الناحية الأمنية , نكَله عاشت أيدك , والله متكَول إلا الصدك , وإذا واحد كَال آني بحياتي ما جنت بعثي , رأسا نكَلله صحيح , والله إنت بحياتك ما لبست زيتوني , وإذا واحد كَال رايح لإيران بس اكمل دراستي وارجع ندعيله بالنجاح والتوفيق ونحط صورته على الكوسترات والكيات وبراس الشارع , و حتى قاسم عطا حشاكم , شيكول احنا نصدك , ومرة رئيس الوزراء كَال اسمي جواد المالكي كَلناله طبعا , شنو قابل منعرفك ابو كاظم , وبعدين كَال لا يابه طلع اسمي نوري المالكي , كَلناله هاي شنو ابو اسراء اكو واحد ميعرف انت نوري المالكي . احنا مصدكَين بالدستور ومصدكَين بالعلمية السياسية وبالمصالحة الوطنية وبالشراكة الوطنية وحتى كالونا انتو طلعتوا مو شعب , انتو مجرد مكونات واطياف واحنة مصدكَين , ومصدكَين راح نصير احسن دولة بالعالم , ومصدكَين ان رفع الزبالة من محلة الشيخ عمر يكلف صابر العيساوي 43 مليار دينار شهريا , ومصدكَين انه واحد اسمه كامل الزيدي هو افضل شخصية لرئاسة مجلس محافظة بغداد , ومصدكين مام جلال يعمل لمصلحة العراق من كسرة وعطش لبوب الشام , ومصدكَين بصالح المطلك صار نائب لرئيس الوزراء من اجل مستقبل العراق , ومصدكَين بهادي العامري راح يسوي مطارات العراق افضل من مطارات ماليزيا , لأنه خبير مطارات وقطارات وأنفاق , ومصدكَين كلشي , اي شي تريد تكَوله والله احنا مصدكَين , بس لتحلف والله مصدكَيك , مصدكَين شهادتك ونعرف انت دكتور ومصدكَين لحيتك والطمغة بكَصتك , ونعرف انت تقي وورع ودمث ابن دمث وتصلي صلاة الفجر بوضوء صلاة المغرب , وانك تتلو القران اناء الليل واطراف النهار وان جدك موسى الكاظم وانك زاهد في الدنيا متوجه بقلب سليم الى الاخرة .. احنا مصدكَين ,, مصدكَين بكل شي , لو ما مصدكين ما انتخبناكم , شنو احنا مجانين ننتخب كذابين , حشاكم من الكذب , لا عيني والله مصدكين , والشعب من يكول : كذاب نوري المالكي كذاب , اصلا الشعب هو اكبر كذاب , ليش هو منو انتخب نوري المالكي , منو انتخب خالد العطية , منو انتخب حسن السنيد , منو انتخب علي الدباغ , منو انتخب اياد علاوي منو انتخب الملايات البحرينيات , مو الشعب نفسه , الشعب هو ابو المشاكل ,, منو دمرنا غير الشعب , شعب يصدًك كلشي , حتى اذا اجاهم واحد ياباني وكَلهم اني موسوي يكَولوله دخيل جدك ابو الجوادين , اللهم صلي على محمد وال محمد , والله عرفناك مولانا , ماشا الله حتى اللاب توب مالك اسود , واذا اجاهم واحد بلجيكي ابن بلجيكي وكلهم اني من اهل العمارة ,رأسا يصدكَون , اي نعرفك , بيتكم بالمجر يم الفرن, انت مو رجل زهرة بت عليوي وخالتك بدرية , تفضل استريح ابو مطشر . القاهرني هو العراقيين يصدكَون كل الناس , بس شلش العراقي , شيحجي يكَولون جذاب , اكلهم فلوسكم راحت , يكتبولي اسكت جذاب , يابه تره يضحكون عليكم , انجب جذاب , اخوان ابراهيم الجعفري نصاب , واحد كتبلي : صه يا رقيع , شسوي صهيت وامري لله , اختي ام اركان ترى رجلج متزوج عليج , تضحك ام اركان وتكول ابو اركان ميبدلني بجوليا روبرتس , وهو بشرفي متزوج رضية ام الحسابات , يمعود قاسم قشمروك الجواز يطلع بورقتين , ليش دفعت ست اوراق , شلش انت تغار لان جوازك ما طلع , يابه بيت ابو حمزة , ابو منتظر نسيبكم مو سيًد , رجال كناني اني اعرف اهله واخو عدنا بالشركة , اسكت عمي متشوف نور محمد بوجهة , خالة ام جمعة ابنج بالمجاميع الخاصة ويحط لاصقات بسيارات الناس , تروح لا افلش راسك بالهاون , ابني اربع وعشرين ساعة كاعد على الفيس بوك ميطلع لباب الحوش , وهكذا يستمر ابناء الشعب العراقي في تكذيبي , كلهم يكذبوني , بس صديقي عبد الرضا المسكين , شحجي يصدكَني ,وقبل كم يوم خطية سألني : شو ماكو شلش محد يسمع حسك , ظل بالي عليك ؟ ,, كتله يا اخي ابتليت بلوة , هاي مريام فارس المطربة , بعد حفلة نادي الصيد اجتني للبيت ومتقبل تطلع واني خايف اهلها يحسًون وتصير مشكله , صفن عبد الرضا ودار راسه شوية وبعدين جاوبني بسرعة : ليش متفلت بيها لسليمانية وهناك تتزوجها على سنة الله ورسوله ... شتكَولون اسويها واضرب خديجة بوري لو ما تسوى .
شلون واحد يكدر يألف كذبة نيسان بالعراق , صارلي كم يوم محتار , منين أجيب كذبة قوية ,,, منين يا ربي , المشكلة إحنا شعب ما متعودين على الكذب , لان حرام , وإحنا شعب يصدك المسلسلات التركية والمكسيكية , ويعتقد نهاية الأفلام الهندية نهاية طبيعية وتنزل دموعنا عليها , والله خطية اميتاب عمت عيني عليه , للموت وماعاف حبيبته, شعب نصدك بكل شي , اذا واحد كَال اني سيد نبوس أيده ونحطها على راسنة , وإذا واحد كَال آني رجل دين نشيل قندرته ونحطه كدامه , وإذا واحد كًال إحنا أكثر بلد بالمنطقة استقرارا من الناحية الأمنية , نكَله عاشت أيدك , والله متكَول إلا الصدك , وإذا واحد كَال آني بحياتي ما جنت بعثي , رأسا نكَلله صحيح , والله إنت بحياتك ما لبست زيتوني , وإذا واحد كَال رايح لإيران بس اكمل دراستي وارجع ندعيله بالنجاح والتوفيق ونحط صورته على الكوسترات والكيات وبراس الشارع , و حتى قاسم عطا حشاكم , شيكول احنا نصدك , ومرة رئيس الوزراء كَال اسمي جواد المالكي كَلناله طبعا , شنو قابل منعرفك ابو كاظم , وبعدين كَال لا يابه طلع اسمي نوري المالكي , كَلناله هاي شنو ابو اسراء اكو واحد ميعرف انت نوري المالكي . احنا مصدكَين بالدستور ومصدكَين بالعلمية السياسية وبالمصالحة الوطنية وبالشراكة الوطنية وحتى كالونا انتو طلعتوا مو شعب , انتو مجرد مكونات واطياف واحنة مصدكَين , ومصدكَين راح نصير احسن دولة بالعالم , ومصدكَين ان رفع الزبالة من محلة الشيخ عمر يكلف صابر العيساوي 43 مليار دينار شهريا , ومصدكَين انه واحد اسمه كامل الزيدي هو افضل شخصية لرئاسة مجلس محافظة بغداد , ومصدكين مام جلال يعمل لمصلحة العراق من كسرة وعطش لبوب الشام , ومصدكَين بصالح المطلك صار نائب لرئيس الوزراء من اجل مستقبل العراق , ومصدكَين بهادي العامري راح يسوي مطارات العراق افضل من مطارات ماليزيا , لأنه خبير مطارات وقطارات وأنفاق , ومصدكَين كلشي , اي شي تريد تكَوله والله احنا مصدكَين , بس لتحلف والله مصدكَيك , مصدكَين شهادتك ونعرف انت دكتور ومصدكَين لحيتك والطمغة بكَصتك , ونعرف انت تقي وورع ودمث ابن دمث وتصلي صلاة الفجر بوضوء صلاة المغرب , وانك تتلو القران اناء الليل واطراف النهار وان جدك موسى الكاظم وانك زاهد في الدنيا متوجه بقلب سليم الى الاخرة .. احنا مصدكَين ,, مصدكَين بكل شي , لو ما مصدكين ما انتخبناكم , شنو احنا مجانين ننتخب كذابين , حشاكم من الكذب , لا عيني والله مصدكين , والشعب من يكول : كذاب نوري المالكي كذاب , اصلا الشعب هو اكبر كذاب , ليش هو منو انتخب نوري المالكي , منو انتخب خالد العطية , منو انتخب حسن السنيد , منو انتخب علي الدباغ , منو انتخب اياد علاوي منو انتخب الملايات البحرينيات , مو الشعب نفسه , الشعب هو ابو المشاكل ,, منو دمرنا غير الشعب , شعب يصدًك كلشي , حتى اذا اجاهم واحد ياباني وكَلهم اني موسوي يكَولوله دخيل جدك ابو الجوادين , اللهم صلي على محمد وال محمد , والله عرفناك مولانا , ماشا الله حتى اللاب توب مالك اسود , واذا اجاهم واحد بلجيكي ابن بلجيكي وكلهم اني من اهل العمارة ,رأسا يصدكَون , اي نعرفك , بيتكم بالمجر يم الفرن, انت مو رجل زهرة بت عليوي وخالتك بدرية , تفضل استريح ابو مطشر . القاهرني هو العراقيين يصدكَون كل الناس , بس شلش العراقي , شيحجي يكَولون جذاب , اكلهم فلوسكم راحت , يكتبولي اسكت جذاب , يابه تره يضحكون عليكم , انجب جذاب , اخوان ابراهيم الجعفري نصاب , واحد كتبلي : صه يا رقيع , شسوي صهيت وامري لله , اختي ام اركان ترى رجلج متزوج عليج , تضحك ام اركان وتكول ابو اركان ميبدلني بجوليا روبرتس , وهو بشرفي متزوج رضية ام الحسابات , يمعود قاسم قشمروك الجواز يطلع بورقتين , ليش دفعت ست اوراق , شلش انت تغار لان جوازك ما طلع , يابه بيت ابو حمزة , ابو منتظر نسيبكم مو سيًد , رجال كناني اني اعرف اهله واخو عدنا بالشركة , اسكت عمي متشوف نور محمد بوجهة , خالة ام جمعة ابنج بالمجاميع الخاصة ويحط لاصقات بسيارات الناس , تروح لا افلش راسك بالهاون , ابني اربع وعشرين ساعة كاعد على الفيس بوك ميطلع لباب الحوش , وهكذا يستمر ابناء الشعب العراقي في تكذيبي , كلهم يكذبوني , بس صديقي عبد الرضا المسكين , شحجي يصدكَني ,وقبل كم يوم خطية سألني : شو ماكو شلش محد يسمع حسك , ظل بالي عليك ؟ ,, كتله يا اخي ابتليت بلوة , هاي مريام فارس المطربة , بعد حفلة نادي الصيد اجتني للبيت ومتقبل تطلع واني خايف اهلها يحسًون وتصير مشكله , صفن عبد الرضا ودار راسه شوية وبعدين جاوبني بسرعة : ليش متفلت بيها لسليمانية وهناك تتزوجها على سنة الله ورسوله ... شتكَولون اسويها واضرب خديجة بوري لو ما تسوى .
بولص شمعون الشماسمشرفة منتدى العائلة
رد: شلش العراقي .. وكذبة نيسان
الخميس أبريل 12, 2012 9:51 am
يسلم قلمك وعاشت ايدك يا اخ ابو هابيل على هذا الايضاح
حول كذبة نيسان
- ادم ريحان كوركيسعضو شرف دائم
رد: شلش العراقي .. وكذبة نيسان
الجمعة أبريل 13, 2012 1:37 am
شكرا ابو رافد على ردك الجميل
سامي ادم البجواياالمؤسس والمدير العام لموقع بجوايي كوم
رد: شلش العراقي .. وكذبة نيسان
الأحد مايو 20, 2012 8:37 pm
حقاً ان مشكلة الشعب العراقي مشكلة ،كأنهم منومين تنويم مغناطيسس ،لايحون ولايشعرون بما تفعله الحكومة بهم .
تسلم ياخال على الاختيار الجميل والقيم.
تحياتي.
تسلم ياخال على الاختيار الجميل والقيم.
تحياتي.
- ادم ريحان كوركيسعضو شرف دائم
رد: شلش العراقي .. وكذبة نيسان
الثلاثاء مايو 22, 2012 9:30 am
شكرا عزيزي سامي لردك الجميل
- حدث في مثل هذا اليوم 1 نيسان ( ابرز حدث هو & كذبه نيسان )
- دوري العراقي ؟ الطلبة يفوز على كركوك ويتصدر الدوري العراقي بفارق الاهداف عن دهوك
- من دوري العراقي ؟ الزوراء يعود للإنتصارات ودهوك والشرطة والطلبة يتقاسمون صدارة الدوري العراقي
- دوري العراقي الطلبة يفوز على زاخو ويعود لمشاركة الجوية في صدارة دوري النخبة العراقي
- دوري العراقي رباعية الجوية في مرمى الكرخ تمنحه الاستقرار في صدارة دوري النخبة العراقي
صلاحيات هذا المنتدى:
لاتستطيع الرد على المواضيع في هذا المنتدى