لا لتقسيمك ياعراق ..

الخميس يناير 19, 2012 9:14 am

لا لتقسيمك ياعراق ..

يا أبن العراق
يا أبن العراق

كافي سكته
وحيل أصرخ
هذه حقي يا سراق

هذا قرار أهل الفتن
هذا قرار أهل الشقاق

خل يدعون
أشما يدعون
أللا تقسيمك ياعراق

بسنوني أگطعك يا أصبعي
لو أشرت بالأتفاق

چلاب ولتمت
وكل چلب يريد عظه

من جسم تعبان
أطرافه مكسره ورضه

چلاب مسعوره
عورتها عوره

ندريها أجتنا منين
مرتزقه جواسيس مأجوره

لا مذهب ولا دين
ولا غيرة عراقين

گولوا
لهذوله الملاعين

گولوا
لهذوله الشياطين

لا لدجلکم
ولا لنفاقکم
قوتنه تبقى بخوتّنا

بعون الله ينهض
يگوم العراق
ويكسر أخشوم الخانتّنا

نبقى جوعانين
نبقى عطشانين
نبقى عريانين
بس نبقى عراقيين

أبكلشي رضينا سكتّنا
لاکن لا .. لا
لا لتقسيمك ياعراق .

حكمت البيداري
10-9-2006

الخميس يناير 19, 2012 9:34 am

تعيش ويسلم قلمك يا اخي العزيز حكمت البيداري حول العراق وتقسيمه
انشالله يبقى العراق موحدا رغم انف الاعداء ويبقى شوكة في عيون الاعداء
والله الموفق

الجمعة يناير 20, 2012 2:34 am

القدير بولص شمعون

إن شاء الله، سيعود العراق معافى بهمة ابنائه الشرفاء

شكراً لجميل مرورك

رعاك الرب

لا لتقسيمك ياعراق ..

لا لتقسيمك ياعراق ..

رد: لا لتقسيمك ياعراق ..

رد: لا لتقسيمك ياعراق ..