أرّيد أذَّكِر واحد ناسي ..

الأحد يناير 15, 2012 8:48 am

أرّيد أذَّكِر واحد ناسي
أحنن بيه گلبه القاسي

لا مَكّان ولا زَمّان
نَسّاني حُلّو أحلامَه
ليليَّه أسهر حيران
أتأمَّل تِرجع أيامَه

مِن غيره عايش مَخنوگ
عَلَّى لحظَه تِنگطِّع أنفاسي ..

أريد اگلّه بالك تظِّن
هَجرَك ينسّينى الرّاح
أسمَك عَلّى شِفتي لحّن
بِغنوتَّها روحّي تِرتاح

إرجَع يامَن چِنّا وچِنِت
غير الوفَّى ويانا أشّفّت

يل ضيّعت عُمرَك سَفّر
ياطير ما تعبله جِناح ..

لا مَكّان ولا زَمّان
نَسّاني حُلّو أحلامَه
ليليَّه أسهر حيران
أتأمَّل تِرجع أيامَه

مِن غيره عايش مَخنوگ
عَلَّى لحظَه تِنگطِّع أنفاسي ..

كافي هَجّر ديلّه إِرجَع
طوُّلِت يافلان الغُربه
ليمتى أظل بيك أتلوَّع
فَرگِتَّك والله صَعبه

لوعَتني حيل الأشواگ
يا معذّبني وين الگاك

مُرلي بحِلِم ولّو مَرّه
اقبلّها مِنّك لو كِذبَه ..

لا مَكّان ولا زَمّان
نَسّاني حُلّو أحلامَه
ليليَّه أسهر حيران
أتأمَّل تِرجع أيامَه

مِن غيره عايش مَخنوگ
عَلَّى لحظَه تِنگطِّع أنفاسي ..

بيدارو
11.1.2011

الأحد يناير 15, 2012 10:37 am

عاشت ايدك على هذه الاشعار الجميلة كلك ذوق يا اخ بيدارو

الإثنين يناير 16, 2012 7:36 am

تسلم ابوكلوديا الورد كلام اكثر من رائع

أرّيد أذَّكِر واحد ناسي ..

أرّيد أذَّكِر واحد ناسي ..

رد: أرّيد أذَّكِر واحد ناسي ..

رد: أرّيد أذَّكِر واحد ناسي ..