يامن حاسس بعله ..

يامن حاسس بعله
شعندك من مرض خله ..

من عدنا ويانا العلاج
مو صعبه، سهله المسئله ..

دكتورنا منا وبينا
لا شراب ولا حبات ..

هو الدوا اليشفينا
لا وجع يضل لا آهات ..

يله سدوا العيادات
لا صيدلي ولا صيدليات ..

ملّينا من السونار
وشعاعچ يل الأشعات ..

ريحت البنج والعمليات
خوف ورعب والصدمات ..

خلليـ لك ثقه بالذات
وبأيمانك زيد الثبات ..

ياناس حلوه الحياة
رغم الحُزن والدمعات ..

شمايجي منها وشفات
ينّسّي، يصير حكايات ..

تعال شاركنا النكات
واضحك من گلبك كُلّه ..

الصحه ترجع فلَّه
وشما طال العمر يحلَه ..

بيدارو
25.6.2011

تسلم وانت العایش استاذي العزيز

رعاك الرب